Sindicato Nacional de Comisións Obreiras de Galicia

Sindicato Nacional de Comisións Obreiras de Galicia | 26 Xaneiro 2026.

Sindicato Nacional de Comisións Obreiras de Galicia

12 meses de sensibilización en prol da igualdade no eido laboral. Definicións do mes de xaneiro

O Gabinete de Igualdade de CCOO estrea na web a campaña «2025: 12 meses de sensibilización en prol da igualdade no eido laboral».

27/01/2025.

Temas

12 meses pola igualdade

Definicións do mes de xaneiro da campaña '12 meses pola igualdade'

Trátase dunha campaña de sensibilización para favorecer a incorporación dos conceptos e a terminoloxía sobre a igualdade á comunicación cotiá deste sindicato e das persoas que se achegan á súa web, pois a familiarización cos termos imbuiranos do significado destes conceptos que definen a loita por unha democracia plena.

FEMINISMO

O feminismo, segundo o Diccionario de la lengua española da RAE, defínese como o «principio de igualdade de dereitos da muller e o home» e, na súa segunda acepción, como «movemento que loita pola realización efectiva en todas as ordes do feminismo».

Outros dicionarios recollen diversas definicións para o feminismo como conxunto de movementos sociais que teñen unha meta común: a igualdade entre mulleres e homes e a fin da opresión masculina, a través das distintas violencias, sobre as mulleres.

(Podes consultar unha definición máis completa no documento anexo).

ANDROCENTRISMO

Este enfoque, presente en todas as ramas do saber, só ten en conta a perspectiva masculina para xeneralizar despois os resultados a toda a poboación. Chéganos así unha visión tendenciosa do mundo na que o home é o centro de todas as cousas. Ao ser unha concepción nesgada da realidade, supón a asunción de que a única mirada posible e universal é a masculina.

Pero, ao identificar o universal e neutro coa realidade exclusivamente masculina, implica a invisibilidade das mulleres e da súa realidade. Négase a mirada feminina e ocúltanse as achegas das mulleres. A transmisión cultural do androcentrismo acapara desde a tradición oral e o refraneiro popular, ata os tratados científicos, artísticos e relixiosos, convertendo a sociedade nun lugar de invisibilización da perspectiva e da experiencia das mulleres.

PATRIARCADO

O sistema patriarcal, ou patriarcado, asúmese como unha manifestación e institucionalización do dominio masculino sobre as mulleres e menores da familia, que se amplía ás mulleres da sociedade en xeral, para o cal a reacción máis lóxica será o feminismo.

Algunhas definicións do patriarcado explícano como un sistema completo, construído ao longo da historia, para enxalzar a supremacía do varón sobre o poder e a propiedade. Co exercicio dun liderado indiscutible, apoiado no androcentrismo, perpetúa o control dos homes sobre os recursos e as mulleres mediante prácticas de violencia. Por iso, nos anos 70, o feminismo comezou a colocar este sistema androcéntrico como eixe central da opresión das mulleres.

MACHISMO

O machismo busca a superioridade do home respecto da muller. Trátase dunha ideoloxía que defende a desigualdade en aspectos sociais, culturais e económicos, situando os homes por encima das mulleres e xustificando formas de opresión, dominación, segregación e violencias específicas que sofre quen non sexa home.

Novas relacionadas

2025: 12 meses de sensibilización en prol da igualdade no eido laboral

12 meses de sensibilización en prol da igualdade no eido laboral. Definicións do mes de xaneiro

12 meses de sensibilización en prol da igualdade no eido laboral. Definicións do mes de febreiro

12 meses de sensibilización en prol da igualdade no eido laboral. Definicións do mes de marzo

12 meses de sensibilización en prol da igualdade no eido laboral. Definicións do mes de abril

12 meses de sensibilización en prol da igualdade no eido laboral. Definicións do mes de maio

12 meses de sensibilización en prol da igualdade no eido laboral. Definicións do mes de xuño

12 meses de sensibilización en prol da igualdade no eido laboral. Definicións do mes de xullo

12 meses de sensibilización en prol da igualdade no eido laboral. Definicións do mes de setembro

12 meses de sensibilización en prol da igualdade no eido laboral. Definicións do mes de agosto

12 meses de sensibilización en prol da igualdade no eido laboral. Definicións do mes de outubro